Plastic Balloon

Sobra mong nalagpasan ang iyong kabataan kapag hindi ka nakaihip sa maliit na straw at makagawa ng plastic balloon. Ito ang unang dahilang bakit nagkakaroon dati ng beke ang kabataan, ihip ng ihip dahil maraming biniling supot ng plastic balloon na binili sa suking tindahan.

Ito ang katangi tanging lobo na hindi lumilipad, ito ang training ng bata kung paano humalik dati, eh para kasing nakikipag lips to lips ka sa plastic balloon kapag nakitaan mo ito ng butas, minsan lumalagitik pa at pinapatunog gamit ang dila. May pagkakataon pa na binubutasan gamit ng dila para hipan at mapalaki pa ito.

Kinukuha ang laman sa loob ng parang maliit na sipilyo tapos bibilutin ito sa maliit na straw at isusubo at ibibilog gamit ang labi at laway. Napakatindi nga naman ng trip natin noong bata, minsan nga makiki ihip ka at isasara ito gamit ang pagtikom ng labi.

Nakakatuwa maging bata naman talaga, masarap alalahanin talaga pero huwag na nating balikan. Bahagya na kasi tayo lumaki, mahirap mag highschool ulit. Ayos na yung naalala natin ang mga munting bagay na nagbibigay ng kasiyahan sa atin. Isa ito sa classic na laruan ng bata dati.

17 July 402 matabangutak Permalink

UTAK vs. PUSO

UTAK

Ang utak ng tao, yan ang nakakaalam ng tama at mali. Utak din ang nagsisilbing gabay naten upang mapunta sa tamang daan at ganun narin sa maling daan. Ito ang nagdedesisyon sa lahat ng bagay na gagawin mo. Kontrolado ng utak ang bawat parte ng katawan mo. Pero meron din namang di kaya nitong kontrolin sa parte ng katawan mo, yun yung mga kusang gumagalaw, gumagana o umaandar, tulad ng puso mo. Hindi lang sa pisikal na aspeto nagiging independent ang puso naten na halos di niya na kailangan ng utos mula sa utak mo, kaya mong mabuhay na patay ang utak mo wag lang ang puso mo. (gulay ka nga lang nun) Matalino, tuso at praktikal ang utak ng tao, kaya pag ito ang pinairal mo, tiyak na matutupad mo ang ano mang naisin mo (mabuti o masama) hindi ka basta basta matitinag ng kahit ano, doon ka sa sigurado at sa lamang ka. Hinding hindi ka magiging martir dahil inuuna at pinahahalagahan mo ang sarili mo higit sa lahat ng bagay.

PUSO

Ang puso ang syang nagbibigay buhay sa buong katawan ng tao, dahil sa puso mo kaya patuloy na dumadaloy ang dugo sayong mga ugat. Isa sa pinaka malaking dahilan ng pagkakapahamak ng tao ay ang kanyang puso. Ang puso ang syang nasasaktan, umiibig, nagagalit at nagpapatawad. Ito ang parte ng katawan mo kung saan madaling napapagod. Maraming namamatay dahil sa sakit sa puso dahil nga sensitibo ito. Ang puso mo ang pinakapasaway sa lahat ng parte ng katawan mo dahil hindi ito sumusunod sa ano mang sabihin ng utak mo. Pilit nitong kinokontrol ang mga desisyon mo, ang pagiisip mo, ang mga galaw mo, lalo na ang nararamdaman mo kahit pa sa totoong buhay, mas mataas ang utak kesa sa puso sa pisikal na aspeto, kumbaga ang utak ang boss ng katawan mo pero pilit na pumapapel ang puso mo. Kapag puso ang pinairal mo, tiyak na mabuti ang kalalabasan ng bawat galaw mo. Ang puso ay natural na matiisin, mapagparaya, malambot at mapagmahal. Ngunit kung ito ang susundin mo, hindi tiyak ang kaligayahan mo, dahil mas pipiliin mo ang kaligayahan ng taong mahalaga sayo kesa sa sarili mo, martir kang matatawag dahil ikaw ay umiibig.

ikaw? ano ang kadalasang sinusunod mo?
UTAK o PUSO mo?

24 January 105 Permalink

Happy Birthday sa blog mo, matabangutak :)

submitted by : know-well

Kuya Rhadson.

Taga-sunod mo na ako ihopesomeday pa lang ako noon. Hindi ka pa sikat noon at finollow mo ako, napa-follow back kaagad ako noon dahil nagandahan ako ng over over sa blog mo. Nagsisimula ka pa lang ata noon pero naging isang instant masugod na taga-hanga mo ako noon dahil sa posts mo. Lahat na ata nasaklaw ng blog mo, all-in-one eh. Sobrang nakakarelate, sobrang nakakatouch, sobrang nakakatawa, sobra sa ganda at sense ang posts. Ultimo yung mga sabaw na posts eh ang benta.

Sabi na talaga ang sisikat at sisikat ‘to si Kuya Rhads dahil sa posts niya. Hindi lang dahil sa looks o dahil sa ganito chorva siya. Siya yung Tumblr Famous na talagang worth it na makuha yung title na yoon, nanatili yung quality ng post niya. Hindi katulad noong iba na nakatikim lang ng kasikatan, nawala yung quality ng posts bigla, lumaki ang ulo at puro TA na lang ang laman ng blog. Napaka-humble at down to earth rin ni Kuya Rhads.

Bagay na bagay kay Kuya Rhads yung URL niya eh. Sobrang taba ng utak na kahit na maliliit na bagay eh napapalalim niya. Yung mga idea na hindi mo maiisip na pwedeng gawan ng sensible na post, nagagawan niya. Tsaka pag nagaadvice siya, winner talaga. Effective eh. Ito talaga yung matalino eh.

Biniyayaan rin ng sense of humor ito sa Kuya Rhads. Nagagawa niya ring gawing katawa-tawa yung sarili niya mapatawa lang yung iba. Yung meme niya tsaka yung videos niya. Alam niyo ba, biglang nabuo yung araw ko noong isang araw dahil sa video na ito. GRABE. ANG DAMI KONG TAWA, MGA 6943539812390.

Sobrang nakakakilig pag nagt-TA ‘yan si Kuya Rhads eh, lalo na yung unang TA niya sa akin noong know-well na ako. Kulang na lang maihi ako sa salawal ko eh. Ikaw ba naman, ma-TA ng isang matabangutak.

Ipagpatuloy mo lang Kuya Rhads yung kagalingan mo sa pagbloblog, hawaan mo na rin ako ng skills mo, pwede? Joke. Nakakatuwa na may ganiyang blogger. Package na package po ang blog mo eh. Idol ko ‘to si Kuya Rhads, sobra. Kung hindi ka nagagandahan sa blog ni Kuya Rhads, taasan mo standards mo. More birthdays to come, matabangutak! Isa kang inspirasyon sa maraming maraming bloggers rito sa Tumblr, isa na ako doon. Salamat :) God bless po.

(Di kaysa pag-TA eh :>)

23 December 59 Permalink