Ibat-ibang klase ng Karoling ( Pinoy Version )

Batang Nangangaroling -Hindi na nawala sa tradisyon ng kabataan ang pangangaroling kahit na onti na lang ang nakakaalala nito eh may mga batang patuloy pa rin bumubuo ng grupo, gumagawa ng mga materyales na pampaingay at sabay sabay aalis ng bahay at mangangaroling na sa ibat-ibang bahay.

Dala ang tambol, dala ang gawa-gawang gitara, ang instrumento na gawa sa niyuping tansan para makagawa ng ingay , lalagyanan ng Nido na lata na nilagyan ng Plastik at Lastiko/Makapal na Itim na Goma para makagawa ng mala Drum na tunog. Madalas nagpapagawa ang mga batang ito sa mga magulang nila, madalas sa Tatay. Bonding na rin nila bilang mag-ama. At habang nasa likod si Nanay na nilalagyan ng Bimpo ang anak at pinapaalalahanan na mag-iingat sa aso at magsuot ng sumbrero baka mahamugan.

Karoling ng Choir - ito yung mga nasa simbahan na grupo kung pumunta, mga choir sa simbahan, yung mga kumakanta, mga talentadong tao pagdating sa kantahan. Ito ang ibang level ng pangangaroling, tipong aabutan ka ng sobre at sigurado kang bawal ang barya at papel talaga ang ibibigay mo. Depende sayo kung anong kulay ng Pera ang ibibigay mo. Orange? Green? Ube? O cheap ka? Orange. Kahit nga naman daw anong halaga eh pwede na, pero kakainin ka ng hiya dahil sa dami nila eh kulang pa talaga ang 100 pesos. Isama mo na ang handang pampakain sa kanila.

Madalas kang makakaranas nito kung may kapatid, kakilala ka na kumakanta sa simbahan, o kaya naman may kilala lang sa simbahan, kapag alam nilang may makukuha silang maagang aginaldo sayo, kahit saan pa ang bahay mo. Siguradong pupuntahan ka ng mga ito.

Solo Flight - meron mga taong sobrang nangangailangan talaga, talagang Solo lang sila, kumbaga talentado, hindi kailangan ng kasama, hindi mo alam kung may kaibigan o wala, kung bumukod o gustong makasolo ng kita. Madalas may ganito, gamit ang improvised na tambol o kaya ang kamay na palakpak lang eh gumagawa na ito ng tinig na pampasko. Minsan takot pang kumanta ang mga batang ito kapag may aso sa harapan ng bahay na pupuntahan nila. Bihira ang taong ganito, pero kanya kanyang trip nga naman.

Minsan akala mo mag-isa lang sila, yun pala nandun yung isang kasama sa kabilang bahay at nangangaroling din. Aba malulupit ang mga ganitong bata. Syempre kung ikaw ang magbibigay eh maawa ka naman talaga dahil sa napakatiyaga ng batang ito mangaroling mag-isa.

Duo - isang taga tunog ng instrumento, maaring isa ring taga kanta. Pwede rin namang pareho silang tumugtog at sinasabayan ito ng kanta. Ito eh madalas sa mga batang mag bestfriend ika nga, o kaya day off ng iba nilang kaibigan sa pangangaroling, maaring napagod, minalat, kinagat ng aso o kung ano-ano pa.

Ito ang madalas na makita sa labas ng bahay, ito ang mga taong madadalas mangaroling, madali kasi bumuo kapag partner lang kayo, kapag dalawa lang kayo. Nakakabuo ng bonding ang dalawang magkaibigan na ito, at sabay ginagastos o kaya naman iniipon ang nakuhang pera sa pagkanta at pagtipa ng gitara.

24 December 135 matabangutak Permalink

Pilipinas “lang”.

Hindi ba’t nakakalungkot kapag sa mga bagay na nakikita natin sa paligid natin ay sinasabihan na Pilipinas “lang”. In terms of technology or amenities sa isang mall or hotel na maaring maikumpara mo ito lalo na kapag nakaranas ka ng makabyahe sa labas ng bansa.

Maikukumpara mo ang Pilipinas na sobrang out of date talaga kung tutuusin. Pero nakakatuwa din na kahit papano eh nakikipag kumpetensya na tayo sa ibang bansa. Kung mapapansin mo ang tren ng ibang bansa eh talagang state of the art naman talaga. Lalo na yung mga station nila dun, like Japan or Singapore. Talagang napakatindi ng istasyon nila at talagang ginastusan.

Nadaan kasi sa pondo ng Gobyerno nila dun kaya magaganda ang imprastraktura nila dun. Pero wala naman silang magagandang tanawin tulad ng sa Pilipinas. Isipin mo na lang kung katulad ng ibang bansa yung mga nag gagandahang hotels at buildings natin dito tapos samahan pa ng magagandang tanawin eh masasabi ko talagang ito na ang pinakamaganda.

Lahat naman kasi magagawa talaga kapag may pera diba? Kung nagamit lang sana ng husto. Hindi mo rin naman kasi masisisi ang gobyerno natin ngayon dahil sa mga past governments eh nangyari na ang katiwalian.

Parang nakakainip isipin kung kailan talaga masasabing asenso ang Pilipinas. Yung malilinis ng husto ang maynila ng magagandang bahay at mababawasan ang mga squatters sa atin. Kailan kaya maiisip ng ating mga kaibigan na kailangan din nilang magsikap at hindi gobyerno ang palaging tutulong sa kanila. Akala siguro nila, may presidenteng tutulong magpayaman sa kanila. 

Paano ka nga naman magkakapera kung inom ka lang ng inom at hindi ka nag tatrabaho? Paano nga naman makakaipon kung may bitbit kang tatlong anak tapos buntis ka pa? Sayang ang kinabukasan ng bata, isang potensyal maging kriminal ulit sa maynila kapag napabayaan na lang basta.

Pilipinas “lang”. Isang masakit na salita na sana eh mawala na sa ating bansa. Dapat handa tayo sa mga kritisismo ng ibang bansa para maging ok eh. Hirap kasi sating mga Pilipino, nasanay na tayo sa buhay na ok lang. Kung ano ang mga bagay na nakikita natin ngayon, pinag titiisan na lang. Kaya naman ng Pilipinas eh, mababait kasi ang tao sa atin. Kaya naman mag-kaisa eh. Ewan ko ba talaga ano talaga ang problema. 

Dati kasi lagnat lang ang sakit ng Pilipinas eh, ngayon eh Cancer na. Samut-saring isyu sa nakawan sa gobyerno, patayan dito, patayan doon at marami pang iba. Kapwa pinoy nagkakasiraan imbis na magtulungan.

Sana mabago na, ang sarap siguro tumira sa bansang hindi ka na takot maglabas ng cellphone kapag naglalakad ka. Ang sarap siguro kapag dumating yung araw na ang mga dayuhan naman ang maghahanap ng trabaho sa atin, yung magiging excited din sila umalis at bumyahe kasi pupunta sila sa bansang Pilipinas.

Napakasarap nga naman talagang mangarap para sa Inang Bayan.

Source: matabangutak

18 March 93 Permalink

Bagyong Sendong

Nakipaglaro na naman ang tadhana. Akala niya ulit ang lahatng tao ay bata. Bakit sa pasko pa? Bakit ang kalamidad eh palaging natataon tuwing pasapit ang pasko? Bakit kailangan marami ang kukunin? Nakakalungkot sa CDO, at sa parte ng Mindanao, kung tutuusin may mga kalamidad at trahedya pa na hindi nabibigyan ng hustisya.

Nakakaawa sila, tulad ko naranasan ko rin mahagupit ng bagyo ng todo. Oo, tama ka. Na ondoy kami, at sobrang hirap naman talaga. Walang signal ang mga cellphones, walang kuryente, hindi madaanan ang binabahang daan, kulang sa supplies, naranasan rin magutom, nilamig at nagkasakit.

Eh swerte pa kung tutuusin, kasi nasa siyudad pa kahit papaano, pero sa mga probinsya na hindi sementado ang daan. Sobrang kawawa, naghalo halo ang trahedya, mga malalapit sa ilog, malalapit sa mga landslides prone area, mga trosong biglang yayapos sa kanilang bahay bahay. Napakatindi, nakakaawa, nakakapanlumo.

Tulad din ng mga nangyari dati, alam kong kaya ng PINOY yan. Darating ang araw na babalik ang ngiti sa kanilang mga labi. Sabi na eh, mangyayari at mangyayari talaga yan. Hindi man sa NCR, pero sa ibat-ibang parte ng bansa. Kaya dapat iniingatan ang sarili at lahat tayo ay handa.

Ako ay nakikiramay sa lahat ng Pamilyang apektado sa mga kapatid na sobrang tinamaan ng trahedya/sakuna sa Mindanao.

Maari natin silang tulungan, kesa sisihin ng sisihin ang ating Gobyerno. Wala na tayong magagawa, dahil sa nangyari na ito. Bakit hindi na lang tayo tumulong? Gamit ang mga ito.

Bank of Philippine Islands account under RIGHT START COMMUNITY DEV’T INC. - Account Number: 004021-0129-42

Banco de Oro: account under RIGHT START COMMUNITY DEV’T INC. — Account Number: 2030132221

DOLLAR ACCOUNT:
Banco de Oro under account name:
Right Start Community Dev’t Inc.
account number: 102030129115

Pwede rin kayo magtext, kesa ipang unli niyo eh sakripisyo muna tayo. Tulungan tayo mga kaibigan. Nag donate na ako, pero hindi ko na lalagyan ng presyo. Ang mahalaga, napansin mo ito. Naisipan mong tumulong.

FOR GLOBE:Text: RED <amount> and send it to 2899. You may donate in these denominations: 5, 25, 50, 100, 300, 500 and 1000.

FOR SMART:Text: RED <amount> to 4143. Valid donation amounts 10, 25, 50, 100

Source: matabangutak

19 December 77 Permalink

Ibat-ibang klase ng Karoling ( Pinoy Version )

Batang Nangangaroling -Hindi na nawala sa tradisyon ng kabataan ang pangangaroling kahit na onti na lang ang nakakaalala nito eh may mga batang patuloy pa rin bumubuo ng grupo, gumagawa ng mga materyales na pampaingay at sabay sabay aalis ng bahay at mangangaroling na sa ibat-ibang bahay.

Dala ang tambol, dala ang gawa-gawang gitara, ang instrumento na gawa sa niyuping tansan para makagawa ng ingay , lalagyanan ng Nido na lata na nilagyan ng Plastik at Lastiko/Makapal na Itim na Goma para makagawa ng mala Drum na tunog. Madalas nagpapagawa ang mga batang ito sa mga magulang nila, madalas sa Tatay. Bonding na rin nila bilang mag-ama. At habang nasa likod si Nanay na nilalagyan ng Bimpo ang anak at pinapaalalahanan na mag-iingat sa aso at magsuot ng sumbrero baka mahamugan.

Karoling ng Choir - ito yung mga nasa simbahan na grupo kung pumunta, mga choir sa simbahan, yung mga kumakanta, mga talentadong tao pagdating sa kantahan. Ito ang ibang level ng pangangaroling, tipong aabutan ka ng sobre at sigurado kang bawal ang barya at papel talaga ang ibibigay mo. Depende sayo kung anong kulay ng Pera ang ibibigay mo. Orange? Green? Ube? O cheap ka? Orange. Kahit nga naman daw anong halaga eh pwede na, pero kakainin ka ng hiya dahil sa dami nila eh kulang pa talaga ang 100 pesos. Isama mo na ang handang pampakain sa kanila.

Madalas kang makakaranas nito kung may kapatid, kakilala ka na kumakanta sa simbahan, o kaya naman may kilala lang sa simbahan, kapag alam nilang may makukuha silang maagang aginaldo sayo, kahit saan pa ang bahay mo. Siguradong pupuntahan ka ng mga ito.

Solo Flight - meron mga taong sobrang nangangailangan talaga, talagang Solo lang sila, kumbaga talentado, hindi kailangan ng kasama, hindi mo alam kung may kaibigan o wala, kung bumukod o gustong makasolo ng kita. Madalas may ganito, gamit ang improvised na tambol o kaya ang kamay na palakpak lang eh gumagawa na ito ng tinig na pampasko. Minsan takot pang kumanta ang mga batang ito kapag may aso sa harapan ng bahay na pupuntahan nila. Bihira ang taong ganito, pero kanya kanyang trip nga naman.

Minsan akala mo mag-isa lang sila, yun pala nandun yung isang kasama sa kabilang bahay at nangangaroling din. Aba malulupit ang mga ganitong bata. Syempre kung ikaw ang magbibigay eh maawa ka naman talaga dahil sa napakatiyaga ng batang ito mangaroling mag-isa.

Duo - isang taga tunog ng instrumento, maaring isa ring taga kanta. Pwede rin namang pareho silang tumugtog at sinasabayan ito ng kanta. Ito eh madalas sa mga batang mag bestfriend ika nga, o kaya day off ng iba nilang kaibigan sa pangangaroling, maaring napagod, minalat, kinagat ng aso o kung ano-ano pa.

Ito ang madalas na makita sa labas ng bahay, ito ang mga taong madadalas mangaroling, madali kasi bumuo kapag partner lang kayo, kapag dalawa lang kayo. Nakakabuo ng bonding ang dalawang magkaibigan na ito, at sabay ginagastos o kaya naman iniipon ang nakuhang pera sa pagkanta at pagtipa ng gitara.

Source: matabangutak

15 December 135 Permalink