Kapag matagal na kayong hindi nagkikita ng taong mahal mo, para bang sobrang sabik ka sa kanya. Para bang pakiramdam mo bago na ulit ang lahat, para bang first time lang ulit nangyayari sayo. Kumbaga sa Computer na refresh yung nararamdaman mo sa kanya. Para bang first time mo ulit magmahal sa sobrang kasabikan mo sa kanya.

“Sa wakas! Nakita at nakasama ko na rin ang taong kakampi ko, ang taong nakakaintindi sakin ang taong andyan palagi sa likod ko.” Ganyan lagi ang madalas na nasasabi ng isang tao kapag nakita na ang taong malapit sa puso niya.

Gusto mo kurutin, hampasin, halikan at yakapin ng mahigpit. Tila ba ayaw mong pakawalan, kasi nga posible palang mayakap ang mundo. At doon mo nalalamang masarap pala talaga kapag may nagmamahal at nag aalaga sayo. Ayaw mong isipin kung ano ang posibleng mangyari sa future niyo. Ang mahalaga kasi sayo yung ngayon at kung ano ang meron kayo.

Source: matabangutak

30 September 362 Permalink

Madalas natin itanong to kapag nasasaktan tayo. Bakit masakit kapag iniwan tayo ng isang taong mahal natin. Siguro dahil sa nasanay kang importante ka sa kanya? Siguro dahil sa binigay niyang oras dati. Tapos ikaw naman tong si tanga, binigyan lahat ng ibig sabihin ang lahat ng ginagawa niya. Kasi nga, sa lahat ng taong malalapit sayo siya lang ang napapansin mong nag eeffort. Pero hindi ibig sabihin nun eh espesyal ka na sa kanya. Sa pagkakaalam ko kasi ang mahalaga at espesyal eh may pinagkaiba rin.

Ang taong mahalaga sa buhay ng isang tao eh yung mga taong andyan lang palagi yung mga taong ayaw mo ring mawala sa buhay mo. At ang taong espesyal naman eh yung mga taong mahalaga na at may parang special treatment. Tipong may concern factor at alaga factor. Gets? 

Ang mahirap kasi sa parte ng babae eh nahihirapan sila magtanong kung may pinaparating ba ang lalake dahil ayaw nila lumabas na nag aassume sila kahit na deep inside may inaassume na sila sa lalakeng yun.

At ang mahirap naman sa parte ng lalake eh yung paramdam sila ng paramdam pero natatakot silang umamin dahil nga natatakot silang umalis sa comfort zone. Dahil baka magbago ang lahat. 

Nakakatuwa na sa likod ng sakit na nararamdaman eh hindi pa rin sumusuko ang tao sa paghahanap ng taong mamahalin nila. Well, we live to love.

Source: matabangutak

23 September 327 Permalink

Isipin mo na ang paru-parong yan eh yung taong darating sa buhay natin. Kailan nga kaya dadapo sa atin ang pagmamahal na matagal na nating hinahanap? Minsan dumapo na pero mailap talaga ang tadhana para sa ating lahat. Kaya minsan, dumapo na ito sa ating mga palad pero lumilipad pa rin palayo. Dahil sa mga problemang hindi agad nasolusyunan. Pero sabi nga sa kanta ng Session Road na Cool Off ” Palayain ang isat-isa, kung tayo tayo talaga. “ Maaring hindi kayo ngayon, maaring hindi man maging ok ang lahat sa inyo ngayon. Pero malay mo? Sa mga susunod na araw.. Sa tamang panahon. Sayo ulit dadapo ang paru-parong hinahanap mo. Dadapo sa bulaklak na hinahanap niya. At ikaw ang magandang bulaklak na yun :)

Source: matabangutak

9 September 293 Permalink

Papakawalan mo pa ba? Kung mahal niyo naman talaga ang isa’t-isa? Bibitaw ka pa ba? Kung hawak mo na? Minsan makaranas lang ng onting lungkot at pagkakamali yung partner natin. Gusto na agad natin bumitaw. Dahil sa pride na “sinaktan” na nila tayo, niloko at pinaglaruan. May mga taong mas piniling maging tanga pangsamantala. Patuloy na kumakapit sa taong mahal nila. Gustong patunayan sa taong mahal nila na kahit gaanong kasakit ang ginawa nila andun pa rin siya para sa relasyon na meron sila. 

May mga taong gustong mabago ang taong gusto nila sa paraan ng pagmamahal nila. Tatanggapin ang lahat ng sakit, tatanggapin ang lahat ng pagsubok. Mapatunayan lang na mahal talaga nila ang taong yun. Dahil sa ginagawa nilang yun, umaasa sila na mabago nila yung taong taken for granted lang siya. Pinipilit niya kahit mahirap. Pinipilit niya kahit na siya ay nasasaktan. Ang mahalaga, magkasama sila. Ang mahalaga hindi siya bumibitaw. Hawak mo na yung taong pinangarap mo eh. Nasayo na. Ipaglalaban mo lang ulit. Sayo na yun eh. Bibitawan mo pa ba?

Source: matabangutak

5 September 1022 Permalink

May mga lalake pa rin na sobrang nirerespeto ang mga babae. May mga lalake pa rin na patuloy na nagmamahal ng totoo sa mga babae. Kaya huwag idamay na pare pareho lang ang lahat ng lalake. Huwag ka maging bitter sa isang lalake at tska mo idadamay yung mga lalakeng kahit kailan eh hindi ka man lang naisipan kahit minsan lokohin.

Hindi lahat ng lalake bastos. Pero may mga lalake na bastos. Hindi lahat ng lalake manloloko, pero may mga lalake talagang manloloko. Tulad naming mga lalake, hindi kayo nalalayong mga babae. May mga babae ding nanloloko samin, may mga babae din na nag papa asa. 

Tulad niyong mga babae, gusto rin naming nirerespeto, gusto rin naming ginagalang. Kumbaga, kung ano ang ibinibigay naming pag galang at pag respeto sa inyo eh ganun din sana kayo samin. Hindi kami ganun ka showy tulad niyo. Kaya madalas kami ang napapasama kasi madalas tahimik lang kami at hindi namin ugali ang mag kwento. 

Wala na kasi kaming magagawa, may mga ugali kami na kapag tapos na eh maaring tapos na talaga. Takot kaming mag paliwanag, basta tahimik lang kami. Nirerespeto namin ang desisyon niyo kapag kayo ang nang iwan samin. At sa mga lalakeng nang iwan sa inyo, tanggapin niyo na lang rin na ganun talaga minsan ang pag-ibig. Maaring masaya ka noon, maaring malungkot ka ngayon. Pero darating ang araw na sasaya ka muli, dahil sa hindi lahat ng lalake ay pare pareho.

Maraming tao diyan ang handang magmahal sayo. Hindi lang makapasok. Dahil sarado ang puso mo.

13 August 852 matabangutak Permalink

Kapag bago kayo sa relasyon napakahirap gumawa ng first move no? Hindi mo alam kung dapat mo na bang hawakan kamay niya o kaya naman eh umakbay sa kanya. Syempre nakakailang sa una eh, tska andun na din yung takot na baka ma reject yung nais mong gawin. Minsan naman nakakatakot kasi baka sabihin na ” Ang bilis mo naman”. Kaya napakahirap gawin lalo na kung walang paalam.

Pero napakasaya nga naman talaga kapag nagawa mo na, walang kasing saya sa kadahilanang may masasabi kang sayo. Hindi mo man inaangkin ng husto, masasabi mong sayo yung taong yun. Sarap lang kapag may partner kang mahahawakan ang kamay o kaya naman maakbayan pag katabi mo sa sinehan. Tipong sabay kayo matatakot kung horror ang pinapanuod niyo, at sabay naman kikiligin kung love story naman ang pinapanuod niyo.

Nagkakaroon din kayo ng privacy na dalawa na manuod at isang sweet bonding na rin ito. 

Napakasaya nga naman talaga kapag may taong nagmamahal sayo. Yung proud, yung handang yumakap, handang kunin ang kamay mo at ipagmalaking pag mamay ari ka ng taong yun, at ang pag akbay na sinasabi mo sa taong.. “Walang aagaw dito.. Akin to”.

13 August 901 matabangutak Permalink