Minsan parang ang hirap nung tanging Friendship na lang ang ma ooffer niya sayo no? Tapos close kayo o masaya ang pinagsamahan niyo. Tapos ang malungkot pa dun alam mo sa sarili mo na “never” na magiging kayo. Yun bang darating yung araw na magkakaroon siya ng taong mamahalin niya tapos ikaw nakamasid lang sa kanila. Tipong yung pinapangarap mong love story niyo eh nakikita mo sa kanya kasama ang iba?

Yung palaging andun yung sakit. Yung hindi mawala wala yung ilusyon mo sa isip na “Paano kaya kung ako yung taong mamahalin niya?” Mararamdaman ko rin kaya yung sobrang kasiyahan dahil nung magkaibigan palang kami eh sobrang saya na naming dalawa? Paano pa kaya kapag nagmahalan pa kami?

Tapos minsan na iilusyon mo yung mga araw na baka mag I love you rin siya sayo. Tapos mag iilove you ka rin sa kanya pero wala eh, gumagawa ka ng sariling love story sa isip mo. Ikaw ang direktor, at kayong dalawa ng taong gusto mo ang loveteam. Minsan napakahirap tanggapin na wala kang masamang intensyon sa kanila pero napipili ka pa rin nilang saktan at iwan.

Hindi mo masabing mahal mo siya dahil baka sabihin niyang masyadong mabilis. At may mga pagkakataon naman na gusto mo maging natural lang lahat sa inyo. Yun bang, mag uusap na lang kayo na maging kayo kasi nga sobrang saya na ng memories niyong dalawa. Tipong landi landi muna at wala ng ligawan na mangyayari tapos isang araw kayo na agad. Kumbaga dumaan kayo sa proseso eh, hindi kayo nagmadali. Pero ang mahirap nasa proseso kayo tapos sa huli ma rerealize niya na hindi ka pala talaga niya mahal. Na nasasayo kung tatanggapin mo yung offer na friendship niya… o magiging strangers kayong dalawa.

Source: matabangutak

10 February 571 Permalink

Bea: “Bru, samahan mo na kasi ako.”
John: pwede bang pass muna ko?
Bea: sige na alam ko namang hindi moko matitiis eh.
John: Ayun na nga ang masakit eh. Hindi kita matiis.
Bea : “Kasi mahal mo ako”

10 February 189 Permalink

Ang lalake hilig lang niyan tumitig sa babae kapag masaya sila. Ang mga babae naman lumalambing sa lalake kapag nagiging masaya sila. Tipong sa harapan ng lalake eh pwede nilang ipakita yung tunay na sila. Kung gaano sila kabaliw at kakulit. Ang mga lalake todo suporta lang yan sa hilig ng babae, kahit na mahirap minsan sa mga lalake ang gusto ng babae. Mag e effort ang mga lalake para lang mapasaya yung babaeng sobrang importante sa kanila. Kahit na maging baduy ang mga lalake at maging korny gagawin nila ang best nila para lang hindi tumigil sa pag ngiti ang babaeng gusto nila.

Ang mga babae kasi mababaw ang kaligayahan lalo na kapag nanggaling sa taong mahal nila yung mga binitawan na salita. Tipong lahat big deal sa kanila. Kapag sinabing maganda sila kinikilig agad sila. Aba syempre yung taong gusto niya ang nagsabi nun eh. Mararamdaman niyang na appreciate ka niya kung ano ka. Kapag nag joke, tatawa agad dahil alam niyang effort mag-isip ng mga bagay na tulad nun. Minsan naman effortless na sa lalake yung ganun kung may sense of humor siya. Ganito yung mga moment na sobrang tipid. Walang gastos. Tipong masaya lang kayong magkasama kayo, nagpapalitan kayo ng matatamis na salita. Nagkakaroon kayo ng moment na dalawa na hindi niyo talaga makakalimutan,

Sadyang napakasarap nga naman kapag may tao kang nandyan parati para tignan ka ngumiti. Yung taong handa kang damayan sa kasiyahan at kalungkutan. Eto yung mga pakiramdam na parang wala ka ng hihilingin pa. Tipong sa dami ng tao sa mundo matutuwa ka na lang dahil masasabi mong swerte ka dahil kasama mo siya. Kaya patuloy na nasasaktan ang ibang tao dahil patuloy nilang hinahanap ang taong handang magpasaya din sa kanila. Alam kasi nila balang araw mawawala yung sakit na yun dahil may taong handang ipaglaban sila at naniniwala silang mangyayari rin sa kanila ang mga ganitong klase ng bagay :)

4 February 623 Permalink

Nasindak ka na ba ng salitang yan? Ramdam mo biglang heart attack no? Bigla kang mangingilabot at sobrang kakabahan kapag nakita mo yang salitang yan sa text o sa chat o kaya naman maaring sa Personal o kaya sa Telepono. Pero ang dyahe ng pakiramdam kapag sa text tapos mahina ang signal tapos atat na atat kang malaman kung ano yun at the same time sobrang kinakabahan. Natatakot ka na sobrang napaparanoid dahil parang alam mong may mali o kaya naman eh nagdududa ka sa itatagal ng relasyon niyo.

Tipong kapag hindi pa siya nagrereply ang daming papasok sa isip mo. Malas mo pa kapag delay ang message niya sayo. Syempre napadali nga naman iwan ng isang tao eh. Pwede nilang sabihin na ayaw na nila sayo. Pwede rin namang sorpresa pala nila yun sayo. Sinong makakaalam? Wala. Kundi sila lang. Kaya nakakayamot kapag may mga ganyan. Madalas din kasi sa break up ang hantong kapag mag on kayo. Minsan naman may aaminin na sobra kang masasaktan. 

Kanya kanyang kwento yan eh. Pakshet lang talaga yung pakiramdam na yan. Parang ilang taon kang naghihintay sa loob ng isang minuto. Tapos laking ginhawa mo lang kapag sinabi niya na “Mahal kita” o kaya naman malas mo naman kapag lalake ka. Ang sasabihin sayo ng babae eh “Buntis ako, hindi ikaw ang ama.” Shet na malagkit. Daig pa ang nabanlian ng mainit na kape sa Tarvax!! Buhay nga naman! Bakit pa kasi nabuo yang pangungusap na yan e no? Pwede namang mag straight to the point na lang. Bakit kailangan pang sabihin na may sasabihin siya sayo. Nakakapanghina kaya. 

Source: matabangutak

2 February 167 Permalink

Kapag may nagalit satin. Madalas galit rin tayo sa sarili natin. Dahil minsan sa sobrang sikip ng nararamdaman mo kung ano ano ang nasasabi mo. Kung ano ang tampong nararamdaman mo kahit hindi ka naman dapat magtampo. Madalas nakakapagsumbat ka ng mga bagay na hindi naman dapat sinusumbat. Sa sobrang sikip ng nararamdaman mo eh kung ano ano na lang ang sinasabi mo. May mga bagay kang nagagawa na hindi niya gusto at sobrang nagiging immature pa minsan kapag sobrang bigat na talaga.

Tipong kapag nasabi mo lahat yun at nasaktan mo ang damdamin niya o kaya naman eh nairita mo siya mag sosorry ka at kapag pinatawad ka eh parang lalabas na parang wala lang nangyari. Minsan iisipin mo what if palagi ka na lang tahimik? May mangyayari kaya? What if palagi ka nalang ngingiti para kunwari wala kang problema? Mapapansin niya kaya na may pinagdadaanan ka?

Natutuwa tayo kapag masaya sila. Tapos kapag nagagalit sila satin. Pati tayo.. Nagagalit sa sarili natin. Parang ang hirap kasi tanggapin nun eh diba? Yung taong mahal mo. Galit sayo.

Source: matabangutak

28 January 132 Permalink

Minsan, pakiramdam natin wala lang tayo sa mundong ito. Pakiramdam natin mag-isa lang tayo palagi. Pakiramdam natin nabubuhay tayo para sa sarili lang natin. Nakakainis na nabubuhay ka sa buhay na takot kang sumugal. Sa buhay na takot kang mawala lahat. Naging ikaw yung tao na ayaw mo. Yung taong walang tiwala sa sarili, yung taong sobrang mababa ang self esteem dahil sa paulit ulit na nangyayari sa buhay mo.

Madalas mong isipin na ano nga kaya ang mali sa sarili mo bakit patuloy na nawawala ang tao sayo? Minsan nandyan yung tao pero ramdam mong anytime pwedeng bumitaw. Ina apply mo naman yung mga natutunan mo sa mga dati mong naranasan pero sa huli wala pa rin at iba pa rin. Lakas pa ng loob mong sasabihin mong kaya mo na pero wala.. Pakiramdam mo sobrang wala ka. Sobrang hindi ka nag eexist sa buhay ng tao. 

Madalas gusto nating mag-isa, Pero nalulungkot tayo dahil wala tayong mapagsabihan at wala tayong makakwentuhan. Madalas na pinipili nating mag-isa dahil andun yung paniniwala nating walang problema kapag mag-isa. Pero nakakatuwa na kahit sinasabi mo yung bagay na yun eh kapag may taong handang pumasok sa buhay mo eh pinapatuloy mo naman ito. 

Source: matabangutak

28 January 163 Permalink

Minsan ang kulet din kapag malayo kayo sa isa’t-isa no? Tipong telepono at webcam lang ang dahilan para magkita kayo. Buti nga may mga mga Application na tulad ng Viber, Voxer at Skype. Tipong parang hindi na kayo malayo sa isa’t-isa. Ito yung mga experience na hindi mo na rin halos maranasan kapag nakikita niyo na ang isa’t-isa. Kasi alam niyo namang pwede naman kayong magkita eh. Bakit pa kayo mag wewebcam o mag-uusap diba? Tska pwede mo siya tawagan sa cellphone anytime.

Pero ang mahirap kapag malayo eh yung magkaiba pa kayo ng timezones na dalawa. Tipong ang gising niya eh yung oras naman ng pagtulog mo. Pero nakakatuwa at namamanage niyo yung oras niyong dalawa. Hindi nawawala yung oras para magkamustahan, andun lagi yung komunikasyon at yung tiwala sa isa’t-isa. Dito mararanasan mo pang panuorin siya matulog. Tapos hindi mo na siya magising kapag na disconnect yung connection niyo dahil ayaw mo na siyang maabala at para makapagpahinga na rin siya.

Minsan hanggat maari ayaw natin mapasok sa LDR type na relasyon. Mahirap kasi. Pero kapag tinamaan tayo ng pag-ibig na yan. Makakaya mo lahat eh. Alam mo kasing tutulungan ka niya. Alam mong hindi lang ikaw ang nagmamahal. Alam mong seryoso kayo sa ginagawa niyo. Aasa ka na lang na sa isang araw sana umuwi na siya ng Pilipinas o kaya magkita kayo kung nasaan man siya. Makasama mo man lang siya. Mahawakan mo man lang yung taong minsang naging malayo sayo. :)

Source: matabangutak

23 January 214 Permalink