“Falling in love with a Tumblrista”
Wala naman sigurong masama magmahal ng kapwa tumblrista. Kung araw-araw ka namang Online dito eh hindi imposibleng hindi ka talaga ma iinlove sa mga tao dito. Lalo na kung paano sila magsalita, paano sila magsulat, sa mga angking talento nila at alam naman natin na isa itong pugad ng taong magaganda at gwapo (ehem) talaga.
Tapos parang instant “JAMICH” pa kayo kung kayo yung magkarelasyon na “ODA”. Online Display of Affection. Tipong landian sa Tumblr Ask, minsan ipopost pa, appreciation posts sa bawat isa. Monthsary and other stuffs.
Mahirap lang dito, kung gaano kayo ka sweet at kapag nag-away kayo eh asahan niyo ng may mga taong involved na. Maari kayong mahusgahan ng mga tao tungkol sa mga galawan niyo. At syempre ang mga nasasabi niyo sa isa’t-isa eh posibleng magmarka sa isip ng mga taong nakakakita or sumusubaybay sa blogs niyo.
Mahirap din ma inlove sa Tumblrista dahil sa rami ng koneksyon nito. Hindi mo alam kung ikaw lang ba talaga ang gusto niya o ang kinakausap niya. Napakaraming tukso. Lalo na’t napakabilis ikalap ng mga litrato at impormasyon dito. Which is normal naman dahil nga sa henerasyon ngayon eh uso na ang landian ng landian ng landian na walang katapusan. Di mo maiiwasan mag selos sa mga kaibigan mo dahil kinakausap nila ito. Normal yun.
Kahit na sabihin nating Online Platform lang ito? Malaki ang impact nito dahil iba ang community at halos “bright” na mga tao ang nandito. May kanya kanyang opinyon na maaring mabasa ng marami na maaring makapagpabago ng mga pananaw nila kung paano sila magmamahal.
Para sa akin eh ingat lang, huwag laging ibibigay ang isang bagay dahil gusto mo lang siya. Huwag basta mag dedesisyon dahil lang na pabor kayong dalawa sa nararamdaman niyo. Minsan mag-isip din. Kung pang long term ba yan? O another fling o Love Story na bigla na lang mawawala sa Online World?
Source: matabangutak
