Sa tagal ko ng hindi nakakaranas ng tunay na pagmamahal. Nakalimutan ko na yung proseso. Yung proseso para makuha ang tiwala at puso ng isang tao. Yung kailangan mo munang ipakilala kung sino ka talaga bago ka pumasok sa isang relasyon. Nasanay ako sa mga nakikita ko sa paligid ko na basta basta na lang papasok sa relasyon na wala man lang mga kundisyon.

Pati panliligaw. Hindi ko na alam gawin. Kasi nga, andito lagi sakin yung paniniwalang “Sasanayin ang sarili sa landi tapos mag dedecide na lang kayo ng kalandian mong kayo na lang”. Parang ganun. Minsan naiinis ako sa sarili ko na bakit ganun ang naging mindset ko. 

Naisip ko na mas masarap nga pala yung nag eeffort para makita mo yung ngiti nung gusto mong makasama sa relasyon. Yun bang mapatunayan mo sa kanya na kaya mong gawin yun para lang sa kanya. Ipakitang totoo ka sa kanya at hindi ka lang puro salita. Sa paraan kasi na yun, makukuha mo tiwala niya at malalaman niyang nilalaan mo talaga ang oras mo sa kanya.

Akala ko ganun lang kadali pumasok sa relasyon. Akala ko, kapag gusto ka at gusto mo siya. Pwede maging kayo agad. Kailangan pa rin pala yung proseso. Yung proseso na may getting to know each other stage, tapos may ligaw stage, ipapakilala sa magulang stage at marami pang iba.

Ayan eh kung gusto mo ng seryosong relasyon. Yung kapag yung taong yun eh gusto mo makasama ng pang matagalan. Yun bang pang matagalan na sobrang tibay ng foundation niyo kasi kilala na kayo ng family ng bawat isa. Ayun na nga siguro ang pinaka mature at pinaka magandang gagawin ng isang tao kapag gusto ng seryosong relasyon.

Source: matabangutak

3 June 162 Permalink

Tips sa mga papasok na freshmen sa College.

Dahil malapit na magpasukan. Susubukan nating talakayin ang incoming freshmen sa college. 

Tandaan mo na ibang iba ang environment ng College sa Highschool, dito mo masasabing totoo pala lahat ng sinasabi ng teacher mo, dito mo masasabi na kailangan mo na pala talaga magsikap, dito mo matatanong kung sino ba ang dapat maging kaibigan. Magbibigay ako ng ilang idea para hindi ka mahirapan sa unang araw ng pasukan.

• Dahil freshmen ka palang, siguraduhin mong papasukan mo ang unang araw ng pasukan, tandaan mong wala ka pang kakilala na kaibigan doon, malaki ang ma mimiss mo sa college life mo kung unang araw ng pasukan palang eh absent ka na.
• Bakit ko nasabing dapat kang pumasok? Dito kasi malalaman mo yung mga approachable na kaibigan, tandaan mong pareho lang kayo ng nararanasan, kung kaya mo silang i approach, i approach mo na rin sila minsan kasi may malaking barrier nang hiya sa inyong dalawa, bigyan mo siya ng killer smile, pero yung ngiti na palakaibigan ha? Baka ngiting manyak ang ibigay mo eh kung saan pa kayo mapunta.
• Magpakatotoo ka lang, halata kasi yung mga galaw na pilit. Kunwari normal na tao ka lang, tapos magiging conyo ka, o kaya naman biglang naging englishero/englishera ka eh baka matampal ka ng taong nakakarinig sayo. 
• Kahit na alam mo na ang sagot, subukan mo ulit itong itanong sa katabi mo, pero nasa timing ka dapat. Ang paraan na ito ay epektib para magkaroon ng komunikasyon sa inyong dalawa na maaring pagumpisahan ng magandang pagkakaibigan.
• Isulat mo lahat ng notes at requirements na ibibigay ng Professors mo, karamihan ngayon sa mga Professors ay Requirements Nazi, yung tipong kailangan lahat meron ka agad. Madalas naman na hingin e, index card, ballpen, libro, envelope para sa portfolio niyo at marami pang iba, depende sa prof talaga.
• Tanggapin mo na lang na iba iba na ugali ng mga kaklase mo, dahil ung iba ay laking maynila, at yung iba eh laking probinsiya, dito masusubukan ang personalidad mong makisama, alam mo siguro ang mabuti sa masama ikaw na ang bahalang dumiskarte dito.
• Maghakot ng kaibigan as much as possible, sila ang kokopyahan mo in the future. Tandaan mong block section kayo.

Marami pang ibang paraan para ma enjoy mo ang buhay college. Sa una lang mahirap yan, pero kapag natuto ka nang magsinungaling para gumala at samahan ang kaibigan mo, Cool ang College! Hell ang highschool.

Source: matabangutak

2 June 1267 matabangvtak Permalink

Mukhang basang sisiw si Charice. Inamin na din niyang Tomboy siya. Well ok.. ayun siya eh. Respect na nga lang siguro. Dun sya masaya eh. Sayang lang. Nawala na dati kong idol na minahal ko. Pero as long na magaling pa rin sya kumanta. Forever fan ako ni Charice. Nakilala ang Pilipinas dahil sa talento niya. At hindi mawawala ang utang na loob nating mga Pinoy sa kanya.

2 June 173 Permalink

Pag nasa relasyon ka, marunong ka dapat umintindi. Hindi yung tampu tampuhan ka tapos mauuwi lang sa away.

Source: matabangutak

2 June 328 Permalink