Ganun ata talaga buhay sa Internet. Nakakalokong yung mga taong sobrang ka close mo dati eh parang wala na lang ngayon. Para bang dadaan sila sa buhay mo na akala mo hindi na sila mawawala. Yun bang wala naman kayong isyu pero parang kandila na naubusan na ng Wax at bigla bigla na lang nawawalan ng apoy ang pagsasama niyo. Wala namang nagbago. Alam mo naman sa sarili mong walang nagbago.
Ganun ata talaga kapag may mga bago tayo/silang nakikilala. Kumbaga, tapos na yung phase mo sa buhay niya. Totoo nga palang people come and go. Kahit naman hindi sa Internet pala. Kahit sa tunay na buhay eh nangyayari din ang mga ganito. Pero mas madalas mong mararanasan yun sa Internet.
Syempre, karamihan naman ng makikilala mo dito eh hindi mo makikita. May mga magiging kaibigan ka na taga ibang bansa. Meron din namang nasa Pilipinas lang din pero hindi naman kayo makapagkita dahil isla ang layo niyo sa isa’t-isa. Minsan nga, may mga taong nakikita mo sa personal sa huli wala pa rin eh.
Bakit nga kaya ganun? Minsan… maiisip mo na ganun ka ba kadali kalimutan? Yung pinagsamahan niyo ba dati eh ganun lang kadali mawala? Yun bang lahat ng masasayang alaala eh naglaho na lang na parang bula.
Source: matabangutak
